1 снежня - Сусветны дзень барацьбы са СНІДам
Не думайце, што праблема ВІЧ/СНІД не мае да вас дачынення. Вы жывяце ў грамадстве, якому часам не хапае дасканаласці, а гэта значыць, што трэба прыстасавацца да яго і ўмець супрацьстаяць спакусам, якія сустракаюцца ў штодзённым жыцці.
Што такое ВІЧ і СНІД?
ВІЧ (вірус імунадэфіцыту чалавека) - гэта вірус, які перадаецца ад чалавека да чалавека пэўнымі шляхамі і выклікае разбурэнне імуннай сістэмы чалавека.
СНІД (сіндром набытага імуннага дэфіцыту) - гэта апошняя стадыя ВІЧ-інфекцыі.
Чалавек можа заразіцца ВІЧ-інфекцыяй падчас сэксуальнага кантакту без выкарыстання прэзерватыва з партнёрам, у арганізме якога прысутнічае ВІЧ, а таксама ў выпадку сумеснага карыстання адным шпрыцом пры спажыванні наркотыкаў.
ВІЧ-станоўчыя жанчыны могуць перадаць вірус дзіцяці падчас цяжарнасці, у момант родаў або пры кармленні грудзьмі.
Нягледзячы на тое, што пад уздзеяннем віруса, які пракраўся ў арганізм, імунная сістэма паступова слабее, ВІЧ-станоўчы чалавек можа адчуваць сябе добра на працягу некалькіх гадоў. Выявіць наяўнасць віруса ў арганізме дапаможа тэставанне на ВІЧ.
Тэставанне на ВІЧ
Многія людзі вельмі перажываюць, калі сутыкаюцца з неабходнасцю здаваць аналізы на ВІЧ, асабліва калі гэта адбываецца ўпершыню. Гэтыя перажыванні могуць быць выкліканыя страхам перад вынікамі аналізу ці па прычыне таго, што пра гэта можа даведацца хто-небудзь яшчэ. Усе гэтыя перажыванні вельмі натуральныя, але будзе прасцей прыняць рашэнне прайсці тэставанне, калі Вы падумаеце аб наступным:
- атрыманне вынікаў тэставання дазволіць пазбегнуць пакут няведання;
- калі Вы ведаеце, што інфіцыраваны, Вы зможаце пагаварыць з урачом аб тым, як засцерагчы свайго партнёра і прадухіліць перадачу ВІЧ-інфекцыі, аб прызначэнні лячэння;
- веданне статусу дасць упэўненасць у тым, што Вы не перададзіце ВІЧ сваім каханым або, калі Вы збіраецеся стаць маці, свайму дзіцяці падчас цяжарнасці, родаў і кармлення грудзьмі;
- з дапамогай неабходных мер прафілактыкі Вы зможаце завесці сям'ю і мець здаровых дзяцей;
- чым раней Вы пачнеце прымаць лекі, тым лепш - бо гэта дазволіць прадухіліць развіццё спадарожных ВІЧ-інфекцыі захворванняў.
Хоць лекаў, якія дапамагаюць вылечваюцца ад ВІЧ-інфекцыі, пакуль няма, але існаванне на сённяшні дзень антырэтравіруснай тэрапіі дазваляе знізіць актыўнасць віруса і паменшыць шкоду, якую ён наносіць імуннай сістэме, перашкаджаючы развіццю і пераходу ВІЧ-інфекцыі ў
стадыю СНІДу.
Ужо цяпер ёсць прэпараты, якія дазваляюць людзям, якія жывуць з ВІЧ, пражыць доўгае і паўнавартаснае жыццё. Пры выкарыстанні сучаснай тэрапіі ВІЧ-інфекцыя можа разглядацца як хранічнае захворванне.
Дзе прайсці тэставанне на ВІЧ?
Тэставанне на ВІЧ можна прайсці ў любой лячэбна- прафілактычнай установе горада і раёна, дзе маецца працэдурны кабінет, у тым ліку ананімна. Тэставанне на ВІЧ у дзяржаўных установах аховы здароўя праводзіцца бясплатна.
