19 мая - Дзень піянерскай дружбы
Гэтую дату памятаюць шматлікія пакаленні людзей нашай краіны, якія насілі чырвоныя гальштукі і якія прымалі ўдзел у піянерскім руху розных гадоў.
З заклікам «Да спраў на карысць Радзімы, да дабра і справядлівасці будзь гатовы!», у якім закладзены асноўныя прынцыпы - Справа, Дабрыня, Радзіма, Справядлівасць!, беларуская піянерыя накіроўвае ўсю сваю энергію на карысць роднай і любімай краіны і актыўна крочыць у нагу з часам.
Таму і сёння шмат слаўных спраў на рахунку піянераў нашай установы: цімураўскі рух, праца з малодшымі школьнікамі, праекты "Зорны паход", "Ветэран - прымі віншаванне!", Акцыі па зборы другаснай сыравіны, мноства конкурсаў і разнастайных мерапрыемстваў.
Піянерская арганізацыя дапамагае стаць навучэнцам актыўнымі, рэалізаваць свае лепшыя здольнасці, вучыць быць актыўнымі ўдзельнікамі грамадскага жыцця. Бо нездарма слова «піянер» значыць - першапраходзец, наватар, лідэр.
